|
|
Om Logopednet
Logopednet er eit samarbeid mellom logopedane Reidun Aarskog, Stord og Elin Legland, Kvinnherad.
Vi samarbeider om å tilby logopediske tenester, fagleg oppdatering, kunnskapsfomidling, erfaringsutveksling og produkt- og materiellutvikling.
Som samarbeidspartnarar har vi avtale med Rikstrygdeverket om refusjon av logopedisk behandling, og autorisasjon som medlemmer av norsk logopedlag, taushetsplikt i høve til personvern og konsesjon for klientregister frå Datatilsynet.
For einskild brukar og grupper:
Det logopediske arbeidet har til hensikt å kartleggje kommunikasjonsvanskar innan språk-, tale- og stemmevanskar og/eller utarbeide treningsprogram som kan bidra til å redusere kommunikasjonsvanskar. Arbeidet inkluderer og å finne hjelpemidlar som kan bidra med å kompensere for kommunikasjonssvikt. Samarbeidet har til hensikt å utveksle kunnskap og erfaringar, samt avlaste kvarandre i periodar med mykje arbeid.
For kommunar, offentlige og private verksemder:
Samarbeidet har til hensikt å yte logopediske tenester i høve der dei kommunale, fylkeskommunale eller statlege tenestene, eller private verksemder, ikkje kan dekke etterspørselen av logopedisk arbeid. Vi samarbeider om å yte ei felles teneste der det er behov.
For produktutvikling:
Vi arbeider for å skape, produsere og tilby pedagogiske produkt og materiell. Desse er i hovudsak retta mot språk-, tale- og stemmevanskar. Vi legg vekt på livskvalitet og arbeider for å sjå mennesket i heilskap i høve til eigne situasjon og i samspel med omgivelsane.
|
 |
|